«Zientzia haren aplikazio praktikoak baino askoz ere gehiago da. Zientzia ez da dogmen multzo izoztua. Abentura intelektuala da, baita abentura humanoa ere, eta azken urteotan aldatu egin du hala bizi garen munduaren ikuskera, nola gurea». (Sarrerako hitzaldia Zientzia Zehatzen, Fisikoen eta Naturalen Errege Akademian, 2017ko maiatzaren 31n).

Ongietorri Pedro Miguel Echeniqueren —Donostia International Physics Centerreko (DIPC) sortzailea eta presidentea— web-orri ofizialera.

Nafarroan jaio zen (Izaba, 1950) eta Donostian bizi da bere familiarekin. Zientzia Fisikoak ikasi zituen Nafarroako Unibertsitatean (1972), eta ondoren doktoretza egin zuen Bartzelonako Unibertsitate Autonomoan (1977). Gainera, Philosophical Doctor (1976) eta Doctor of Science (1998) tituluak lortu zituen Cambridgeko Unibertsitatean. Bere titulu akademikoen zerrendan sei Doctor Honoris Causa izendapen daude, hainbat unibertsitatek emanak: Valladolideko Unibertsitatea, Nafarroako Unibertsitate Publikoa, Madrilgo Complutense Unibertsitatea, Finlandiako Aalto, Santo Domingoko Amerika Autonomoaren Unibertsitate Nagusia eta Madrilgo Unibertsitate Autonomoa.

Pedro Miguel Echeniquek irakaskuntza eta ikerketa egin ditu batera, eta materia kondentsatuaren fisikan jardun da. 27 doktore-tesi zuzendu ditu. Laurehun argitalpen baino gehiago egin ditu liburu eta aldizkari espezializatuetan—horien artean, Nature eta Science—. Hizlari gonbidatu eta oso gisa hartu du parte nazioarteko ehun kongresu gehiagotan. Era berean, mintegiak eman ditu Europa, Amerika eta Japonia osoko zentroetan. Eskuratu dituen sarien zerrenda luzean nabarmentzen dira, besteak beste, Ikerketa Zientifiko Teknikoko Asturiasko Printze Saria (1998) eta Max Planck Physics Prize (1998). EPSko (European Physical Society) ohorezko kidea da 2018tik.

Diktadura frankistaren ondorengo lehen euskal gobernua sortzean —Carlos Garaikoetxea lehendakariak zuzendua— Hezkuntzako sailburu izendatu zuten (1980-1983), eta, ondoren, Hezkuntza eta Kulturako sailburua izan zen, baita gobernuko bozeramailea ere (1983-1984). Euskararen Erabilera Arauzkotzeko Legearen sustatzailea eta txostengilea izan zen. Zientzialari honek sartu-irtena izan zuen politikan, eta hori herrialdeari buruz duen ideiak azaltzen du.

Echeniqueren lana ez da mugatu ikasgeletara, ezta ikerketako laborategietara ere. Jakiunde sortzea bultzatu zuen –Zientzia, Arte eta Letren Akademia—, erakundeko lehenengo lehendakaria izan zen (2007-2012), eta ohorezko lehendakaria da oraindik ere. Materialen Fisika Zentrua —CSIC eta EHUren arteko zentro mistoa (1999)— sortzen hartu zuen parte, eta, geroago, nanoGUNE (2009) sortzen ere. Baina bere lanik handiena Donostia International Physics Center (DIPC) sortzea izan da, 2000. urtean sortua. Echenique ekintzaile petoa da bere alorraren barruan. Irakurle amorratua da, eta bere beste zaletasunak mendiarekin eta bizikletarekin daude lotuta.